Diciembre I Eb’ laj Tzolol Tij

Tijoqo sa’ komonil chirixeb’ laj tzolol tij, li b’oqb’ileb’ chi xpuktesinkil Raatin li Dios: re naq kawaqeb’ xch’ool chi kanawinq chirix junelik, sa’ seeb’al ch’oolej, rik’in xmetz’ew li Santil Musiq’ej, chi sa sa’ xch’ooleb’, ut sa’ tuqtuukil usilal.

Pope Francis – December 2021

Li xtaqlankileb’ laj tzolol tij, jwal nim tz’aqal xloq’al, sa’ xpuktesinkil ut roksinkil xchamal li paab’aal.
Li xk’anjelahom laj tzolol tij, a’an jun b’oqek’, a’an jun taqlaak. Wank jo’ aj tzolol tij naraj xyeeb’al, naq “laa’o aj tzolol tij”, maawa’ jun “tojb’il k’anjel jo’ aj tzolol tij”. A’in jun yu’amihom, ut jwal aajeleb’ raj ru eb’ li chaab’il aj tzolol tij, re naq a’anqeb’ aj ochb’enihom ut aj tzolonel.
Nake’ ajmank poyanam seeb’aqeb’ xch’ool re xputesinkil li Chaab’il Esilal, ab’aan li te’xk’e xch’ool chi xputesinkil chi tz’aqal re ru, ink’a’ kajwi’ rik’in kawil yaab’ kuxej, ink’a’ rik’in tz’apxikul; rik’in b’aan ajwi’ yu’amihom, sa’ tuulanil, rik’in jun ak’il aatinob’aal, ut rik’in xteeb’aleb’ ak’il b’eenihom.
Jo’kan naq, sa’ eb’ li diocesis, ut sa’ eb’ xteepal li ruuchich’och’, li chaab’il esilaank wank tz’aqal sa’ ruq’eb’ laj tzolol tij.
Qab’anyoxiiq b’i reheb’ laj tzolol tij winq ut ixq, sa’ xk’ab’a’ li xkawilaleb’ xch’ool neke’ xyu’ami wi’ xk’anjelankil ru li xtaqlankileb’ sa’ li Iklees.
Tijoqo sa’ komonil chirixeb’ laj tzolol tij, li b’oqb’ileb’ chi xpuktesinkil Raatin li Dios: re naq kawaqeb’ xch’ool chi kanawinq chirix junelik, sa’ seeb’al ch’oolej, rik’in xmetz’ew li Santil Musiq’ej, chi sa sa’ xch’ooleb’, ut sa’ tuqtuukil usilal.

Credits

Benefactors