Chirixeb’ li parokya

Tijoqo, re naq eb’ li qa parokya, che’xyu’ami li sumwank, li junajil sa’ xyanqeb’ li qas qiitz’in chirib’il rib’eb’, jo’ ajwi’ sa’ xyu’am xb’eenik li Iklees, jo’ tz’aqal xyi li junajil, ha’anaq ta junelik jun komonil, b’arwi’ na’uxmank xyu’aminkil li paab’aal, li k’amok ib’ sa’ usilal, ut b’arwi nawank xk’ulub’ankileb’ sa’ usilal, eb’ li wankeb’ sa’ rajb’al ru.

Pope Francis – February 2023

Naab’al sut nink’a’uxla, naq sa’ rokeb’aaleb’ li parokya, tento raj xk’eeb’al junaq eetalil b’arwi tz’ib’amb’ilaq: “Yalaq ani, Naru chi’ok”.
Li parokya, tento naq ha’anaq junaq komonil nana’ch’ok, chi maak’aa’aq ramleb’ chiru, li wanq xch’ool rik’ineb’ li poyanam, b’arwi taatawlimanq li xsi maatan eb’ li sakrament.
Tento naq ha’anaqeb’ tzoleb’aal re k’anjelak ut usilank, chi teetooqeb’ junelik eb’ li rokeb’aal choq’ reheb’ li tz’eqtanaanb’ileb’. Jo’ ajwi’ choq’ reheb’ li ak k’eeb’ileb’ sa’ ajl. Ut choq’ reheb’ chixjunil.
Eb’ li parokya, maawa’eb’ jun ch’ina ch’uut, yal re wiib’ oxib’ sik’b’ileb’ ru, a li kajwi’ wankeb’ re naq te’ileq’ sa’ xyaanqeb’ li amaq’il tenamit.
B’aanuhomaq usilal, tuulanq li qach’ool junelik.
Qatuqub’aq ru xb’ehileb’ xyu’amihomeb’ li qa parokya junjunq.
Tijoqo, re naq eb’ li qa parokya, che’xyu’ami li sumwank, li junajil sa’ xyanqeb’ li qas qiitz’in chirib’il rib’eb’, jo’ ajwi’ sa’ xyu’am xb’eenik li Iklees, jo’ tz’aqal xyi li junajil, ha’anaq ta junelik jun komonil, b’arwi’ na’uxmank xyu’aminkil li paab’aal, li k’amok ib’ sa’ usilal, ut b’arwi nawank xk’ulub’ankileb’ sa’ usilal, eb’ li wankeb’ sa’ rajb’al ru.

Credits

Benefactors