Chirixeb’ li cheek

Tijoqo chirixeb’ li qa cheekeal, re naq ha’anaqeb’ aj tzolonel chirix li rahok, re naq li xyu’amihomeb’ ut li xq’esnal xna’leb’, chixtenq’aheb’ li saaj, chirilb’al li yook chaq chi chalk chiqu, rik’in oyb’enihom ut kawil ch’oolej.

Pope Francis – July 2022

Ink’a’ naru aatinak chirixeb’ li junkab’al, wi’ ink’a’ tqaye naq aajeleb’ ru, eb’ li cheekel poyanam sa’ qa yaanq.
Maajunwa jwal kootamk, sa’ xb’ehil li qa yu’amihom, jo’ anaqwank; ab’aan, ink’a’ jwal ch’olch’ook chiqu, chanru xb’eeresinkil qib’ sa’ x’ak’il xb’ehil li yu’am a’in: jwal naab’al li ka’uxl wank, re okenk chirixeb’ li cheekel poyanam; ab’aan, maak’a’ ajwi’ xna’leb’il chirix chanru xk’anjelankil.
Jwal q’unqach’ool laa’o li cheek, re xk’eeb’al jun k’ak’aalehom sa’ xyaalalil, re k’ajb’ak ut re rahok. Naru xyeeb’al, naq laa’o aj tzolonel, chirix li tuulanil. ¡Ut jo’k’ihal chik!
Taaqaj sa’ li ruuchich’och’ a’in, jun tz’aqal waklesink ib’ chirix li rahok, xb’aan naq jwal xook’aay chiwank sa’ xnimqal ru pleet ut josq’il.
A’in teneb’anb’il sa’ qab’een xb’aanunkil anaqwank, choq’ reheb’ li ak’ ut saajil poyanam.
Jultikaq qe: naq eb’ li qa cheekelal, ha’aneb’ li tzekemq neke’ nujtesink re li qa yu’am, ha’aneb’ li muqmuukil q’esnal na’leb’, sa’ eb’ li tenamit; jo’kan naq, jwal aajel ru xnimq’ehinkileb’, ut ak xinchaq’rab’i chikan, jun honal re xjultikankileb’.
Tijoqo chirixeb’ li qa cheekeal, re naq ha’anaqeb’ aj tzolonel chirix li rahok, re naq li xyu’amihomeb’ ut li xq’esnal xna’leb’, chixtenq’aheb’ li saaj, chirilb’al li yook chaq chi chalk chiqu, rik’in oyb’enihom ut kawil ch’oolej.

Credits

Benefactors