Chirixeb’ li ixq mayejanb’ileb’ li xyu’am chiru li Dios

Tijoqo chirixeb’ li ixq, mayejanb’ileb’ li xyu’am chiru li Dios, ut qab’anyoxiiq xkawilaleb’ xch’ool sa’ li xtaqlankil, re naq te’xtaw x’ak’il xsumenkil, eb’ li honal wanko wi’ anaqwank.

Pope Francis – February 2022

Chiru li po a’in, tijoqo chirixeb’ li ixq mayejanb’ileb’ li xyu’am chiru li Dios, eb’ li ixq xe’xsume xb’oqb’aleb’.
¿K’araj ru tixb’aanu li Iklees, wi’ taraj maak’aheb’ li ixq mayejanb’il xyu’ameb’, ut sumenb’ileb’ li xb’oqb’aleb’? maak’a raj xyaalalil li Iklees, wi’taraj maak’a’aqeb’ a’an.
Chewaklesihaq leech’ool, xk’ajb’ankil rix leeyu’am laa’ex li mayejanb’ilex’ chiru li Dios, aajel ru xnawb’al leetaqlankil, re rilb’al b’ar wankeb’ li yalok q’e wankeb’ chiru li ruuchi’ch’och’ a’in anaqwank.
Cheyalaq eeq’e, xk’anjelankil ru leetaqlankil chi chaab’il, ut chiwanq leerilob’aal tz’aqal rik’ineb’ li ne’b’a’, rik’ineb’ li tz’eqtaananb’ileb’, li neke’ xyu’ami wank chi munil xb’aan eb’ laj majewanel, rik’neb’ a’an tz’aqal che yu’ami leetaqlankil.
Ut tijoqo, re naq ha’aneb’ che’xk’e chikutankil xchaq’aalil ru xrahom ut ruxtaan li Dios, sa’ xtaqlankileb’ jo’: aj tzolol tij, aj k’utunel rik’in q’esnal na’leb’, ut jo’ aj ochb’enihom sa’ li musiq’anb’il yu’am.
Ninwaklesi eech’ool, xyalb’al eeq’e, naq ink’a’ k’eeb’il xna’aj leek’anjelahom, sa’ ajwi’ xcha’al li Iklees; naq usta jwal nim li xyaalalil malaj xk’ajk’amunkil, ink’a’ na’uxmank xk’eeb’al xloq’al. Ut chixjunil a’in naab’al sut, sa’ xk’ab’a’eb’ xwinqilal li Iklees.
Mi ch’inaak leech’ool. Cheyalaq eeq’e junelik, xk’eeb’al chi nawek’ xchaab’il xch’ool li Dios, rik’in leek’anjelahom jo’ apostol, li neke’ b’aanu rajlal. Ab’aan, jwal wi’chik, rik’in xyu’aminkil leeb’oqb’al xesume xk’anjelankil.
Tijoqo chirixeb’ li ixq, mayejanb’ileb’ li xyu’am chiru li Dios, ut qab’anyoxiiq xkawilaleb’ xch’ool sa’ li xtaqlankil, re naq te’xtaw x’ak’il xsumenkil, eb’ li honal wanko wi’ anaqwank.
B’anyox leesumehom, sa’ xk’ab’a’ li neke b’aanu, ut jo’ chanru neke b’aanu.

Credits

Benefactors