FEBRUARI | Kwa ajili ya Watawa wa Kike na Wanawake Waliowekwa Wakfu

Tuwaombee watawa wa kike na wanawake waliowekwa wakfu, tukiwashukuru kwa utume wao na ujasiri wao; waendelee kupata majibu mapya ya changamoto za nyakati zetu.

Pope Francis – February 2022

Kwa mwezi huu, tutaomba kwa namna ya pekee kwa ajili ya watawa wa kike na wanawake waliowekwa wakfu.
Je, Kanisa lingekuwaje pasipo kuwa na watawa wa kike na wanawake walei waliowekwa wakfu? Kanisa lisingeeleweka bila wao.
Ninawahimiza wanawake wote waliowekwa wakfu watambue na wachague yale yanayofaa zaidi kwa ajili ya utume wao katika kukabiliana na changamoto za malimwengu tunazokumbana nazo.
Ninawasihi waendelee kufanya kazi na kuwa na matokeo chanya kwa maskini, wale wanaotengwa, pamoja na wale wote wanaotumikishwa kwenye utumwa mamboleo; Ninaomba sana muwatetee kwa niaba yao.
Na tuombe ili waonyeshe uzuri wa upendo na huruma ya Mungu kama makatekista, wanatauhidi, na viongozi wa kiroho.
Niwaalike kupambana, pale ambapo, wanawake wanatendewa isivyo haki, hata ndani ya Kanisa; wanamohudumu sana hivi kwamba, hushushwa hadhi na kutumikishwa—wakati mwingine, na wanaume wa Kanisa.
Wasivunjike moyo. Waendelee kuutangaza wema wa Mungu kupitia kazi za kitume wanazozifanya. Lakini zaidi ya yote kupitia ushuhuda wao wa kuwekwa wakfu.
Tuwaombee watawa wa kike na wanawake waliowekwa wakfu, tukiwashukuru kwa utume wao na ujasiri wao; waendelee kupata majibu mapya ya changamoto za nyakati zetu.
Asanteni kwa jinsi mlivyo, kwa kile mnachokifanya, na namna mnavyokifanya.

Credits

Benefactors