SA’ XK’AB’A’ XYU’AMINKIL LI EWKARISTIIY

Tijoqo b’i’ sa’ komonil, re naq chixjunileb’ laj katool, che’xk’e ch’ooleb’ xyu’aminkil xnimq’enkil li Santil Ewkaristiiy, li na’ak’ob’resink re li sumwank sa’ xyanqeb’ li poyanam ut naxte xb’ehil chiqu xtawb’al qib’ rik’in li Dios jo’ ajwi’ rik’ineb’ li qas qiitz’in.

Pope Francis – July 2023

Wi’ ink’a’ xjala li qa k’a’uxl chirix naq xoo’elk sa’ li Santil Miix, naraj xyeeb’al naq toj wank li majelal.
Sa’ li Santil Ewkaristiiy, wank tz’aqal li Qaawa’ Jesus, a’an tz’aqal li na’ak’ob’resink. Li Jesus tz’aqal nak’ulunk qik’in ut na’ak’ob’resink tz’aqal.
Aran tz’aqal naxq’axtesi rib’ li Kriist, sa’ qak’ab’a’ laa’o ut naxk’e qab’oqb’al re naq li qayu’am tixnujtesi rib’ rik’in A’an ut tixnujtesiheb’ ajwi’ eb’ li qas qiitz’in.
Li xnimq’ehinkil li Santil Miix, a’an tz’aqal jun tawok ib’ rik’in li Jesus waklijenaq chi yo’yook ut a’an ajwi’ jun xteeb’al li qach’ool chiru li ruuchich’och’ jo’ chanru kixk’ut chiqu A’an.
Rajlal naq nokootz’aqonk sa’ li Santil Ewkaristiiy, nachalk li Qaawa’ Jesus ut naxk’e qametz’ew re rahok jo’ chanru kirahok A’an.
Xb’aan naq, naxk’e xkawil qach’ol chi’elk sa’ li qamajelal re xik ut xteeb’al qach’ool rik’in xnimal rahom chiruheb’ chixjunileb’.
Tijoqo b’i’ sa’ komonil, re naq chixjunileb’ laj katool, che’xk’e ch’ooleb’ xyu’aminkil xnimq’enkil li Santil Ewkaristiiy, li na’ak’ob’resink re li sumwank sa’ xyanqeb’ li poyanam ut naxte xb’ehil chiqu xtawb’al qib’ rik’in li Dios jo’ ajwi’ rik’ineb’ li qas qiitz’in.

Credits

Benefactors