Sa’ xk’ab’a’ eb’ li kok’ ut li ink’a’ jwal nimqeb’ aj eechal re k’ayib’aal

Tijoqo re naq eb’, laj eechal re li kok’ ut li ink’a’ jwal nimqeb’ aj eechal re k’ayib’aal, eb’ li yookeb’ xyu’aminkil xmajelal li tumin, jo’ ajwi’ li raxiik sa’ li amaq’il tenamit, re naq che’xtaw xtenq’ankileb’, li jwal aajel ru choq’ reheb’, re naq toj te’xk’e xch’ooleb’ chi tenq’ank a’aneb’ ajwi’ sa’ li na’ajej wankeb’ wi’.

Pope Francis – August 2022

Sa’ xk’ab’a’ li kaqi yajel ut li xnimqaleb’ ru pleet, li nake’ wank sa’ chixjunil xteepal li ruuchich’och’, wank sa’ qa yanqil anaqwank, jun xnimal ru majelal tumin. ¡Ut maji’ nak’eemank reetal!
Ut sa’ xyanqeb’, li ra b’ayaq yookeb’ chi rilb’al sa’ xk’ab’a’ a’an, a’an eb’ li kok’ ut li ink’a’ jwal nimqeb’ aj eechal re k’ayib’aal. Eb’ laj k’ay k’iila k’a’aq re ru, eb’ laj tenol ch’ich’ ut k’uub’anel b’eeleb’aal ch’ich’, eb’ laj mesonel, eb’ laj b’eeresinel b’eeleb’aal ch’ich’, ut naab’aleb’ chik li jalan jalanq chi k’ayib’aal.
Ha’ineb’ maak’a’eb’ sa’ xyanqeb’ li xtuslal ru eb’ li xnimq’aleb’ ru b’ihom ut li wankeb’ xwankil sa’ eb’ li junjunq chi tenamit; ab’aan, usta wank li majelal tumin, neke’xk’e xk’anjeleb’ li maak’a’eb’ xk’anjel, ut rik’in a’in neke’ okenk sa’ li tenq’ank ib’.
A’ineb’, li neke’ roksi li xtumineb’ choq’ re tenq’ank sa’ komonil, ut ink’a’ neke’xmuq choq’ re xnimq’al ru xsahilal xwanjikeb’.
A’ineb’, wank jun xnimal ru xseeb’al xch’ooleb’, re xchaab’ilob’resinkil li wanjik, chalen toj taq’a, b’arwi ‘ na eek’asimank chaq li chaab’il ru seeb’al ch’oolej.
Ut rik’in kawil ch’ool, jo’ ajwi’ yalok q’e, neke’xtenq’a xwanjik li yu’am, choq’ re li sahilal wank, jo’ ajwi’ k’ehok k’anjel, choq’ reheb’ li neke’raj k’anjelak.
Tijoqo re naq eb’, laj eechal re li kok’ ut li ink’a’ jwal nimqeb’ aj eechal re k’ayib’aal, eb’ li yookeb’ xyu’aminkil xmajelal li tumin, jo’ ajwi’ li raxiik sa’ li amaq’il tenamit, re naq che’xtaw xtenq’ankileb’, li jwal aajel ru choq’ reheb’, re naq toj te’xk’e xch’ooleb’ chi tenq’ank a’aneb’ ajwi’ sa’ li na’ajej wankeb’ wi’.

Credits

Benefactors