Chirixeb’ li Junkab’al

Tijoqo chirixeb’ li krisyaanil junkab’al, re chixjunil li ruuchich’och’, re naq chi tz’aqal re ru, che’xnaw xyu’aminkil, li chaab’ilal, li usilal, li rahok, jo’ ajwi’ li santilal sa’ li xb’eenikeb’.

Pope Francis – June 2022

Sa’ eb’ li junkab’al, na’uxmank xtzolb’al li wotzok, aajel ru wotzok rik’ineb’ li jwal saajeb’, jo’ ajwi’ rik’ineb’ li cheekel poyanam.
Ut sa’ xk’ab’a’ li junajil, rik’ineb’ li saaj, li cheek, eb’ li nimqal poyanam, eb’ li kok’al, jo’ ajwi’ li junajink ib’, sa’ xyaanq li jalan jalanq chi k’a’uxl, na’uxmank chaab’il esilak rik’in li yehom ut b’aanuhom chiru li yu’am.
Ch’olch’ook naq sa’ eb’ li junkab’al, rajlal te’tawlimanq li majelal, rajlal taa’uxmanq xtawb’al junaq, jalanil k’a’uxl.
Ab’aan, maak’a’ ch’a’ajkilal. Tento naq ink’a’ tooxiwaq xb’aan eb’ li majelal; tento tzolok rik’ineb’ a’in, re naq junelik kawaqo chixik chi uub’ej.
Misachk sa’ qach’ool, naq li Dios junelik wank qik’in: sa’ eb’ li junkab’al, sa’ eb’ li teep, jo’ ajwi’ sa’ eb’ li tenamit wanko wi’, A’an junelik wank q’ik’in.
Ut A’an, junelik wank xch’ool chiqix, nawank qik’in yalaq joq’e honal, yalaq b’ar nokoo’elk ut nokoonumek’, sa’ li juk’ub’ eek’asinb’il chikaw xb’aan li palaw. Rajlal naq nokoowe’ch’ok, naq wanko sa’ rahilal, naq sa sa’ qach’ool, li Qaawa’ wank aran chi qochb’eninkil, nokoxteq’a, ut nokoxq’us.
Li rahok sa’ eb’ li junkab’al, aa’an jun xb’ehil li santilal, cho’qe laa’o chi qajunqal.
Jo’kan naq li na’leb’ a’in, xinsik’ ru choq’ na’leb’ahom, sa’ xtawb’aleb’ rib’ li Junkab’al re Chixjunil li ruuchich’och’, li taawanq chiru li po a’in.
Tijoqo chirixeb’ li krisyaanil junkab’al, re chixjunil li ruuchich’och’, re naq chi tz’aqal re ru, che’xnaw xyu’aminkil, li chaab’ilal, li usilal, li rahok, jo’ ajwi’ li santilal sa’ li xb’eenikeb’.

Credits

Benefactors