Choq’ re li xkrisyaanil sumehom re li yalok q’e chirix xq’esnal na’leb’ li kawilal

Sa’ xk’ab’a’ chixjunil li yalok qe, yook xk’eeb’al qe li q’esnal na’leb’ chirix li kawilal anaqwank; tijoqo, re naq li krisyaan aj paab’anel, rik’in li xtij ut li xk’anjelahom, chi okenq chi waklesink ch’ool re xkolb’al rix li yu’am.

Pope Francis – March 2022

Tijoqo, re naq tooruhanq xk’eeb’al xkrisyaanil sumehom rik’in q’esnal na’leb’ li kawilal.
Ch’olch’ook chiqu naq li q’esnal na’leb’ yook chixik chi uub’ej, ut sa’ li qa wanjik anaqwank, li q’esnal na’leb’ chirix li kawilal, naxk’e chi kutankil chiqu naab’al li majelal, li tento xk’eeb’al xsumenkil, ink’a’ naru xmuqb’al, malaj ut xkub’sinkil li qilob’aal, jo’ li nimal tzo’ ak’ach.
Chixjunileb’ xk’a’uxlil li q’esnal na’leb’ chirix li kawilal, tento roksinkileb’ chi chaab’il; ab’aan, tento ajwi’ roxloq’inkileb’ xk’ulub’ eb’ li poyanam.
Jo’ qayehaq, ink’a’ nake’ ruhank rilb’aleb’ xyo’leb’aaleb’ li poyanam, jo’ junaq k’a’aq re ru naruhank ta xtz’eqb’al yal chi jo’ka’an, li maak’a’ ta na’ok wi’. Sa’ li yu’amil na’leb’ a’in, ma nake’ ok ta ajwi’ a’an; ink’a’ b’i’an, moko naruhank ta, xb’aan naq chijo’ka’in, kajwi’ yook chi k’iik, li yu’amil na’leb’ a’an, li na k’ehok rahilal sa’ qa yaanq.
Malaj ta ut, li xb’een xtuminal li kawilal, chi tz’aqloq choq’ re xtz’ilb’al rix li q’esnal na’leb’ chirix li a’an.
Tento tch’olaaq chiqu, chixjunil li xchamal xjalajikeb’ ru li na’leb’ a’in, li yook chi wank anaqwan, chi jwal cham wi’chik xk’ajb’ankil rix, xb’aan naq jwal taak’anjelaq chiqu.
Moko naraj ta xyeeb’al, naq taaqaj xramb’al chiru, xk’iijik li q’esnal na’leb’ chirix li kawilal. Moko aa’an ta taaqaj, aajel b’an ru, rochb’eninkil. Aajel b’aan ru, xkolb’al rix xk’ulub’ li poyanam, jo’ naq aajel ajwi’ ru okenk chirix li k’iik sa’ li na’om. Li taaqaj xyeeb’al, a’an naq, ink’a’ naru xtojb’al xtz’aq xk’ulub’ li poyanam, rik’in li elk chi uub’ej. Sa’ xkab’ichaleb’ b’an, tento te’b’eeq sa’ junaj.
Sa’ xk’ab’a’ chixjunil li yalok qe, yook xk’eeb’al qe li q’esnal na’leb’ chirix li kawilal anaqwank; tijoqo, re naq li krisyaan aj paab’anel, rik’in li xtij ut li xk’anjelahom, chi okenq chi waklesink ch’ool re xkolb’al rix li yu’am.

Credits

Benefactors