Tijoqo chirixeb’ li ch’uut ut eb’ li komonil re li Iklees

Tijoqo re naq eb’ li ch’uut ut eb’ li komonil re li Iklees, chi ch’olaaq chiruheb’ li xtaqlankil, chi xk’anjelankil li chaab’il esilank, ut che’xk’e chi k’anjelak li xsimaatan k’eeb’ileb’ re xb’aan li Dios, chiru li ruuchich’och’.

Pope Francis – May 2023

Eb’ li Ch’uut re li Iklees ha’aneb’ jun simaatan, ha’aneb’ xb’ihomal li Iklees ¡Ha’anex laa’ex!
Eb’ li komonil, neke’x’ak’ob’resi xyu’am li Ikles, sa’ xk’ab’a’ naq nake’ru xyu’aminkil li junajil, choq’ re xk’anjelankil li chaab’il esilank.
Rajlal neke’xtaw chiru li xyu’amihomeb’, li x’ak’il xb’ehil ut xchaq’aalil ru xpkuktesinkil li Chaab’il Esilal.
¿Chanru neke’xb’aanu? Sa’ xtzolb’al li jalan jalanq chi aatinob’aal, chan chantawi’ naq jalaneb’ wi’, ab’aan li xseeb’aleb’ xch’ool nake’ jalanok’ wi’. Ab’aan, tz’aqal na’uxmank xtawb’al ru li rajomeb’.
Neke’xyal xq’e xk’anjelankileb’ ru li Ob’iisp, jo’ ajwi’ eb’ li parokya junjunq, re naq ink’a’ te’ t’aneq’ sa’ li aaleek chi kanaak sa’ junesal chi tz’aptz’ooqeb’ xch’ool, xb’aan naq naru neke’xk’ul chijo’ka’in.
Junelik chex’eek’anq, junelik teesume reek’asihom li Santil Musiq’ej, sa’ eb’ li yalok q’e, jo’ ajwi’ sa’ li jalaak yookeb’ chi wank sa’ li ruuchich’och’ anaqwank.
Junelik chexwanq sa’ xsumwanjik li Iklees, xb’aan naq li sumwank a’an xsimaatan li Santil Musiq’ej.
Tijoqo re naq eb’ li ch’uut ut eb’ li komonil re li Iklees, chi ch’olaaq chiruheb’ li xtaqlankil, chi xk’anjelankil li chaab’il esilank, ut che’xk’e chi k’anjelak li xsimaatan k’eeb’ileb’ re xb’aan li Dios, chiru li ruuchich’och’.

Credits

Benefactors