SA’ XK’AB’A’EB’ LI KOK’AL WANKEB’ SA’ RAXIIK’

Tijoqo chirixeb’ li kok’al neke’xyu’ami wank sa’ raxiik’, chirixeb’ li wankeb’ sa’ b’e, chirixeb’ li k’eeb’ileb’ chi wank sa’ eb’ li xnimqal ru pleet, jo’ ajwi’ li maak’a’eb’ xna’ xyuwa’, re naq chiwanq okenk chirix li xtzolb’aleb’, ut che’xtaw xrahom junaq li junkab’al.

Pope Francis – November 2022

Chalen toj anaqwank, wankeb’ ajwi’ naab’aleb’ li kok’al neke’xyu’ami wank sa’ rahilal, jo’ li wank chi munil.
Ha’aneb’ maawa’eb’ k’a’aq re ru: ha’aneb’ poyanam li wankeb’ xk’ab’a’, ut xka’yab’aal ajwi, wankeb’ xloq’al k’eeb’ileb’ re xb’aan li Dios.
Naab’al sut, nasachk sa’ qach’ool li tene’b’anb’il sa’ qa b’een xb’aanunkil, ut naqa mutz’ li xna’qu, re ink’a’ rilb’al li xmajewankileb’ li kok’al a’in, li ramb’il chiruheb’ b’atz’unk, tzolok, jo’ ajwi’ li xmatk’ihob’meb’. Chi moko xrahomeb’ li xjunkab’al wank reheb’.
¡Eb’ li kok’al a’in, tz’eqtananb’ileb’ xb’aan li xjunkab’al, chi maak’a’ xtzolb’aleb’, chi maak’a’ xkawilaleb’, a’in jun xnimal majelal! A’in jun majelal, li nawulak toj sa’ xka’yab’aal li Dios, ut naxtitz’ rahilal sa’ xb’eeneb’ chixjunileb’ li poyanam, li kab’lanb’il sa’ xb’eeneb’ jun chaq’rab’ namajewank.
Laa’o wank qe, naq na’uxmank xtz’eqtanaankil junaq reheb’ li kok’al a’in.
Ink’a’ naru tqakanab’, naq che’reek’a’ rib’ sa’ junesal malaj ut tz’eqtanaanb’ilaqeb’; aajel ru naq te’tzoloq, ut te’xyu’ami li rahok sa’ eb’ li junkab’al, re naq ch’olch’ooq chiruheb’, naq junelik wankeb’ sa’ xch’ool li Dios.
Tijoqo chirixeb’ li kok’al neke’xyu’ami wank sa’ raxiik’, chirixeb’ li wankeb’ sa’ b’e, chirixeb’ li k’eeb’ileb’ chi wank sa’ eb’ li xnimqal ru pleet, jo’ ajwi’ li maak’a’eb’ xna’ xyuwa’, re naq chiwanq okenk chirix li xtzolb’aleb’, ut che’xtaw xrahom junaq li junkab’al.

Credits

Campaign title:

The Pope Video – November 2022: For children who suffer

A project by Pope’s Worldwide Prayer Network

In collaboration with Vatican Media

Creativity and co-production by:

Gaia Valeria Rosa, Diego Angeli and Andrea Schneider Graziosi

Benefactors

Media partners:

Aleteia

Thanks to:

VIS – @ongVIS
CASA DO MENOR ITALIA ONLUS

With the Society of Jesus

Nacho JimenezSA’ XK’AB’A’EB’ LI KOK’AL WANKEB’ SA’ RAXIIK’