CHIRIXEB’ LAJ K’UTUNEL

Tijoqo, re naq eb’ laj k’utunel, ha’anaqeb’ aj yeehol yaal li te’b’aaq, sa’ xk’ab’a’ naq te’xk’ut xk’anjelankil ru li usilal, choq’ reeqaj li josq’il ut li kaqal, re naq che’xyal ajwi’ xq’e, chi xtenq’ankileb’ li saaj krisyaan, a li jwal wi’chik tenq’aak te’raj.

Pope Francis – January 2023

Nawaj raj xtz’aamankil chiruheb’ laj k’utunel, naq che’xtz’aqob’resi junaq chik li na’leb’ sa’ li xk’utumeb’: Li Usilal.
Li tzolok, a’an jun k’anjelob’aal choq’ re li rahok, li naxkutanob’resi ru li b’e choq’ re xtawb’al xyaalalil li usilal, re naq ink’a’ tqatz’eqtaanaheb’ eb’ li wankeb’ sa’ rajb’al ru.
Laj k’utunel, moko kajtawi’ naxq’axtesi li xna’hom tzolb’il xb’aan, a’an b’aan jun poyanam li naxq’axtesi xtz’aqalil ru li xyu’amihom choq’ re xb’ehil li yu’am.
A’an li naxnaw xb’eeresinkil xyaalalil li oxib’ chi raatinob’aal li na’hom: li xK’a’uxl, li xCh’ool ut eb’ li ruq’ wank sa’ usilal. Ut chirix a’an, li xnimal ru xsahil xch’ool sa’ xk’ab’a’ xwotzb’al li k’aru wank rik’in.
Ut a’in, taa’uxmanq rab’inkil chi anchal ch’oolej, re naq te’sutq’iiq choq’ aj yoob’tesinel re jun komonil.
¿K’a’ut naq jo’ka’an? Sa’ xk’ab’a’ naq, nake’xyu’ami rawb’al li na’leb’ a’in.
Tijoqo, re naq eb’ laj k’utunel, ha’anaqeb’ aj yeehol yaal li te’b’aaq, sa’ xk’ab’a’ naq te’xk’ut xk’anjelankil ru li usilal, choq’ reeqaj li josq’il ut li kaqal, re naq che’xyal ajwi’ xq’e, chi xtenq’ankileb’ li saaj krisyaan, a li jwal wi’chik tenq’aak te’raj.

Credits

Benefactors