LI AMIIWIL SA’ KOMONIL

Tijoqo, re naq sa’ xk’a’uxlil eb’ li amaq’il tenamit, li tumin, li chaq’rab’, ut eb’ li majelal; laa’oqo aj kab’lahom re li sumseeraq’ik, li amiiwil; ut kawaq qach’ool laa’o winq ut ixq chi xk’eeb’al li quq’ re tenq’ank junelik, chirisinkil xna’aj li xik’ ilok, jo’ ajwi’ li pleetik.

Paap Francisco – July 2021

Li Santil Hu naxye, naq li naxtaw junaq ramiiw, naxtaw jun xnimal ru xsi maatan.

Nawaj raj xk’eeb’al junaq na’leb’ chirix xch’uutaleb’ li amiiwil, ut xik chik b’ayaq sa’ xchamal li na’leb’ a’in, re xkab’lankil jun tz’aqal amiiwil sa’ xyanqeb’ li poyanam, xb’aan naq jwal aajel ru, re wank sa’ junajil.

Aajel ru xtawb’al qib’, rik’ineb’ li ne’b’a’ ut eb’ li kub’enaqeb’. Rik’ineb’ li wankeb’ chire tenamit. Tento xnajtob’resinkil qib’ rik’ineb’ li wankeb’ xwankil, jo’ ajwi’ eb’ li neke’ k’eehok chi k’a’uxlak li tenamit, chi ink’a’ neke’xk’e xb’anol eb’ li majelal.

Tento elk chiruheb’ li majelal wank sa’ xyanqeb’ li komonil, a li kajwi’ juk’uk’ naxb’aanu, re elk sa’ li ak’ab’il wanjik.

Ut chixjunil a’in, jwal na ch’a’ajkok’ wi’chik anaqwank, xb’aan naq li chaq’rab’, li amaq’il tenamit, ut eb’ li puktesib’aal aatin, rajlal neke’xk’e li yalok u sa’ xyanqeb’ li poyanam, re numtaak ut sik’ok wankilal.

Li sumwank ut sumseeraq’ik, a’an li xb’ehil rilb’al xyaalalil li qa wanjik, rik’in jun ak’il k’a’uxl, re xyu’aminkil rik’in kawil ch’oolej li yalok q’e na’uxmank wi’ xkab’lankil li usilal sa’ komonil.

Tijoqo, re naq sa’ xk’a’uxlil eb’ li amaq’il tenamit, li tumin, li chaq’rab’, ut eb’ li majelal; laa’oqo aj kab’lahom re li sumseeraq’ik, li amiiwil; ut kawaq qach’ool laa’o winq ut ixq chi xk’eeb’al li quq’ re tenq’ank junelik, chirisinkil xna’aj li xik’ ilok, jo’ ajwi’ li pleetik.

Credits

Benefactors