Sa’ xk’ab’a’ xraqb’al ru xchaq’rab’il li kamk

Tijoqo, re naq li xraqb’al ru xyu’am li poyanam, li naraqok re xk’ulub’ li xpoyanamil, chi isimaanq sa’ xtuslal ru xchaq’rab’il xteepaleb’ li tenamit junjunq, sa’ chixjunil li ruuchich’och’.

Pope Francis – September 2022

Rajlal kutank, sa’ chixjunil xteepal li ruuchich’och’, na’ajmank XRAQB’AL xchaq’rab’il li kamk. Ut choq’ re li Iklees, a’in jun reetalil li oyb’enihom.
Chiru xkayab’aal li chaq’rab’, a’in moko aajel taraj ru.
Li amaq’il tenamit, naru raj xq’axb’aleb’ ru li majelal a’in, chi ink’a’ raj naxram chiru junaq li xmaakob’ xyot’b’al xch’ool, sa’ xk’ab’a’ li xmajelal.
Sa’ junaq raqok aatin, aajel raj ru naq twanq junaq rokeb’aal li oyb’enihom.
Xraqb’al ru xyu’am junaq li xmajelok’, ink’a’ na k’ehok tiikilal sa’ qayaanq, eeqajunk b’aan chik li xb’aanuhom.
Ut naxram ajwi’ ru, xjuk’b’al xyaalalil li raqok aatin tento raj xb’aanunkil sa’ tiikilal.
Sa’ jun chik chi aatin, li raqok aatin rik’in raqok ru yu’am, moko a’an ta jun tiikilal, naxjuk’ b’aan ru li xnimal ru si maatan k’eeb’il qe: li yu’am. Misachk sa’ qach’ool, naq usta sa’ xraqik ru li honal, junaq li poyanam narux x’ak’ob’resinkil li xyu’am ut li xk’a’uxl.
Chiru xkutank saqenk li Chaab’il Esilal, li raqok aatin rik’in xraqb’al ru li yu’am, ink’a’ k’uulub’anb’il. Li chaq’rab’: “Mat Kamsink”, tz’aqlojenaq ru choq’ reheb’ li wankeb’ sa’ tiikilal, jo’ ajwi’ choq’ reheb’ li neke’ majelok’.
Jo’kan naq, nawaj xtitz’b’al ruuheb’ chixjunileb’ li poyanam chaab’ileb’ xch’ool, naq che’ okenq xtitz’b’al rik’in xb’aanuhomeb’, xraqb’al ru xchaq’rab’il li raqok ru yu’am sa’ chixjunil xteepal li ruuchich’och’.
Tijoqo, re naq li xraqb’al ru xyu’am li poyanam, li naraqok re xk’ulub’ li xpoyanamil, chi isimaanq sa’ xtuslal ru xchaq’rab’il xteepaleb’ li tenamit junjunq, sa’ chixjunil li ruuchich’och’.

Credits

Benefactors