SEPTEMBA | Mtindo Endelevu wa Maisha wa Kimazingira

Tuombe ili sote tufanye maamuzi yenye ujasiri, maamuzi yaliyo ya lazima kwa maisha endelevu ya mazingira, tukichukua msukumo kutoka kwa vijana wetu ambao kwa uthabiti wamejotolea kwa ajili ya mazingira.

Pope Francis – Septemba 2021

Ninafurahi sana kuwaona vijana wakiwa na ujasiri wa kuanzisha miradi kwa ajili ya mazingira na kuboresha jamii, kwa kuwa hivi viwili vinakwenda pamoja.
Sisi watu wazima tunaweza kujifunza mengi kutoka kwao, kwa sababu katika mambo yote yanayohusiana na sayari (dunia), wao wapo mstari wa mbele.
Tuutumie vizuri mfano wao na kuutafakari mtindo wao wa maisha, hasa nyakati hizi za migogoro ya afya, jamii na ya kimazingira.
Tutafakari namna tunavyokula, tunavyojinunulia, tunavyosafiri, au tunavyotumia maji, nishati, plastiki, na vitu vingine vingi, mara nyingi ni hatari kwa dunia.
Tuchague kubadilika! Tusonge mbele na vijana kuelekea kwenye mitindo ya maisha ambayo ni rahisi zaidi na inayoheshimu zaidi mazingira.
Tuombe ili sote tufanye maamuzi yenye ujasiri, maamuzi yaliyo ya lazima kwa maisha endelevu ya mazingira, tukichukua msukumo kutoka kwa vijana wetu ambao kwa uthabiti wamejotolea kwa ajili ya mazingira. Na si wajinga kwa sababu wamejitolea kwa sababu ya siku zao za baadaye. Ndio maana wanataka kubadili kile watakachokirithi wakati ambao hatutakuwepo.

Credits

Benefactors

Mazingira, mtindo wa maisha endelevu wa kimazingira, uendelevu, mtindo wa maisha endelevu, miradi ya kimazingira, ekolojia.