2020

Tijoqo, re naq li qa sumwanjik rik’in li Jesukriist, chixtaw xk’iijik rik’in Raatin li Dios, ut rik’in ajwi’ xyu’aminkil li tijok.

Tijoqo re naq xk’iijikeb’ li k’uub’amb’il ut ak’il na’leb’, wanq junelik choq’ xk’anjelahom li poyanam.

Tijoqo re naq sa’ xk’ab’a’ li qa kub’iha’ laa’o laj paab’anel, ut jwal wi’chik eb’ li ixq che’ okenq ta sa’ xsum k’ub’lal xwanjik li Iklees.

Tijoqo, re naq li xb’ihomal li ruuchich’och’ ink’a’ elq’amb’ilaq, wotzb’ilaq b’an sa’ juntaq’eetil ut chi oxloq’oninb’il.

Tijoqo chirixeb’ li poyanam neke’ k’anjelak ut wankeb’ xyu’am sa’ xk’ab’a’ xk’anjeleb’ chiru palaw, eb’ laj b’eeresinel jukub’, eb’ laj chapol kar, jo’ ajwi’ chirixeb’ li xjunkab’al.

Tijoqo chirixeb’ chixjunileb’ li junkab’al re li ruuchich’och’ a’in, reenaq ochb’eninb’ilaqeb’ rik’in rahom, oxloq’ihom, ut rik’in q’esnal na’leb’. Ut jwal wi’chik, reenaq eb’ li awab’ejilal re li junjunq chi tenamit, chi okenq chirixeb’.

Tijoqo, reenaq chixjunileb’ li wankeb’ sa’ raxiik’ te’ruhanq xtawb’al xb’ehil li yu’am, rik’in xkanab’ankil rib’eb’ chi ochb’eniik xb’aan xChool li Jesus.

Tijoqo, reenaq eb’ li diaconos, sa’ xk’ab’a’ xtiikilal xch’ooleb’ chi xk’anjelankil ru Raatin li Dios, jo’ ajwi’ eb’ li neb’a’, a’anaqeb’ jun yo’yookil eetalil choq’ re li Iklees.

Tijoqo, reenaq chixjunileb’ li poyanam wankeb’ rub’el xwankilal li raasahil k’inaqil b’aanuhom, te’uxmanq xtenq’ankileb’ ut rochb’eninkileb’ chi chaab’il.

Tijoqo sa’ komonil, chirixeb’ chixjunil li yaj, ut chirixeb’ ajwi’ li poyanam wankeb’ sa’ raxiik’

Tijoqo sa’ komonil, reenaq li Iklees aran China, junelik tiikaq xch’ool rik’in li Chaab’il Esilal, ut chi k’iiq ta, sa’ li junajil.

Tijoqo, reenaq li xtz’aamahomeb’ li qas qiitz’in neke’xik sa’ jalan tenamit, a li tawasinb’ileb’ xb’aneb’ li poyanam ink’a’ useb’ xna’leb’… Jo’ ajwi’ eb’ li neke’ xk’ayi rechpoyanamileb’, taa’uxmanq rab’inkil, re xk’eeb’aleb’ sa’ ajl.