Tijoqo chirix li paap, re naq sa’ xk’anjelankil li xtaqlankil, chixyal xq’e rochb’eninkil chixjunileb’ xteepal li wankeb’ xpaab’aal, li q’axtesimb’il re xb’aan li Jesus, re naq junelik wanq rik’in xtenq li Santil Musiq’ej.
Pope Francis – November 2023
Chepatz’aq re li Qaawa’, naq chinrosob’tesi taxaq.
Leetz’aamahom laa’ex nak’ehok re inmetz’ew ut nikinxtenq’a chik’a’uxlak ut chirochb’eninkil li Iklees, rik’in rab’inkil li naxyeewe li Santil Musiq’ej.
Moko sa’ xk’ab’a’ ta naq laa’in li paap, maawahin tachik poyanam. Rajlal b’aan chik nak’iik lin poyanamil, rochb’en li xloq’laj tenamit li Dios.
Li wank choq’ paap, a’an ajwi’ jun b’e. Ut chi timil timil, na’uxmank xtawb’al ru xyaalalil li wank choq’ aj k’aak’alenel.
Ut sa’ li b’e a’in, jwal wi’chik na’uxmank xtzolb’al xyu’aminkil li usilal, li uxtaanal, ab’aan jwal wi’chik li tuulanil, jo’ rajom li qaYuwa’ Dios, li tz’aqal wank xtuulanil.
Nink’a’uxla naq chixjunileb’ li paap, naq ke’xtikib’ xk’anjelankil li xtaqlankileb’, kiwank tana ajwi’ b’ayaq xiweb’, sa’ xk’ab’a’ naq neke’xnaw naq te’xk’ul xwechb’al ru li xyu’am ut li xb’aanuhomeb’.
Sa’ xk’ab’a’ naq li Qaawa’, tixpatz’ qe laa’o li Ob’iisp, xyaalalil li qa yehom ut b’aanuhom.
Cheb’aanu usilal, nintz’aama eere, naq chexraqoq aatin sa’ tiikilal. Ut chextijoq chirix li paap, maak’a’ naxye ani wanq, xb’aan naq anaqwank wankin laa’in, re xk’ulb’al xtenq li Santil Musiq’ej, ut teetooq xch’ool chixk’ulb’al li tenq’al a’an.
Tijoqo chirix li paap, re naq sa’ xk’anjelankil li xtaqlankil, chixyal xq’e rochb’eninkil chixjunileb’ xteepal li wankeb’ xpaab’aal, li q’axtesimb’il re xb’aan li Jesus, re naq junelik wanq rik’in xtenq li Santil Musiq’ej.
Chootijoq b’i sa’ ch’anch’ook, chirix lin taqlankil.
Ut rajlal chextijoq chiwix.
Credits
Campaign title:
The Pope Video – November 2023: For the Pope