TZ’EQTANAAK UT XIK’ILEK’ SA’ LI PAAB’AAL

Tijoqo, re naq eb’ li poyanam li neke’ xyu’ami li tz’eqtanaak ut li xik’ilb’ileb’ sa’ xk’ab’a’ li xpaab’aal, re naq sa’ li amaq’il tenamit wankeb’ wi’, che’xtaw xk’ulub’eb’ ut roxloq’inkileb’, li taachalq sa’ xk’ab’a’ naq qas qiitz’in qib’ chiqajunilo.

Pope Francis – January 2022

¿Chanru a’an naq, sa’ li qa wanjik anaqwank, wankeb’ aj paab’anel tz’eqtanaanb’ileb’ ut xik’ilb’ileb’?
¿Chanru a’an naq, sa’ li amaq’il tenamit a’in, b’arwi’ raj wank li tuulanil, wankeb’ poyanam tz’eqtananb’ileb’ sa’ xk’ab’a’ xk’eeb’al chi kutankil li xpaab’aal? A’in ink’a’ raj k’ulub’anb’il, naxmux xk’ulub’ li poyanam, ut kaanil k’a’uxl li na’leb’ a’in.
Xwanjik chi ach’ab’anb’il li paab’aal, ink’a’ naxram xnimq’ehinkil li loq’onihom, a’in naraj xyeeb’al, naq wanq junaq xkutankil li nimq’ehik jo’ chanru naxye xtuslal ru xchaq’rab’ li paab’aal junjunq, ut a’in nokoxk’e roxloq’oninkil ruheb’ li junch’ol sa’ li xjalanil, ut xk’eeb’al ajwi’ sa’ xna’qu jo’ tz’aqal qas qiitz’in.
Jo’ poyanam, wank naab’al li juntaq’eeto wi’, li nak’ehok qe chi wotzok ut xk’ulub’ankil li qa jalanil; ab’aan, li nasahok wi’ qach’ool a’an naq qas qiitz’in qib’.
Ab’aan, moko jwal nim ta ajwi’ li qa jalanil, malaj ut kajwi’ li jalano wi’, a’an li paab’aal; meeram li xnimal ru xyaalalil wank jo’ tz’aqal qas qiitz’in qib’.
Qasik’aq ru xb’ehil, li wank sa’ junajil. Xb’aan naq, wi’ ink’a’ naqa yu’ami wank jo’ tz’aqal qas qiitz’in qib’, nokootz’eqok chiqajunilo.
Tijoqo, re naq eb’ li poyanam li neke’ xyu’ami li tz’eqtanaak ut li xik’ilb’ileb’ sa’ xk’ab’a’ li xpaab’aal, re naq sa’ li amaq’il tenamit wankeb’ wi’, che’xtaw xk’ulub’eb’ ut roxloq’inkileb’, li taachalq sa’ xk’ab’a’ naq qas qiitz’in qib’ chiqajunilo.

Credits

Campaign title:

The Pope Video – January 2022: Religious discrimination and persecution

A project by Pope’s Worldwide Prayer Network

In collaboration with Vatican Media

Creativity and co-production by:

La Machi Communication for Good Causes

Music production and mix by:

Índigo Music Design

Benefactors

adminTZ’EQTANAAK UT XIK’ILEK’ SA’ LI PAAB’AAL