MUTARAMA | Uburenganzira bwo kwiga

Dusabire abimukira, impunzi n’abo bose bagizweho ingaruka n’intambara; kugira ngo uburenganzira bwabo bwo kwiga bwubahirizwe buri gihe, kuko uburezi ari ngombwa mu kubaka isi irangwa cyane n’ubumuntu.

Fransisko – Mutarama 2025

Uyu munsi dufite ibyago bikomeye mu uburezi. Ntabwo ari ugukabiriza. Kubera intambara, ubuhunzi n’ubukene, abana bagera kuri miliyoni 250 ntibiga.
Abana n’urubyiruko bose bafite uburenganzira bwo kujya ku ishuri, hatitawe ko ari abimukira.
Uburezi ni icyizere kuri bose – bushobora gukiza abimukira n’impunzi ivangura, uruhererekane bw’ubugizi bwa nabi no gukoreshwa nabi… Abana bato benshi rero baravunishwa! Uburezi bushobora kubafasha kwinjira neza mu miryango ibaha ikaze.
Uburezi bufungura imiryango y’ahazaza heza. Muri ubwo buryo, abimukira n’impunzi bashobora kugira akamaro muri sosiyeti, haba mu gihugu cyabakiriye cyangwa mu gihugu bakomokamo, niba bahisemo gutaha.
Ntituzigere na rimwe rero twibagirwa ko umuntu wese wakira umunyamahanga, aba yakira Yezu Kristu.
Dusabire abimukira, impunzi n’abo bose bagizweho ingaruka n’intambara; kugira ngo uburenganzira bwabo bwo kwiga bwubahirizwe buri gihe, kuko uburezi ari ngombwa mu kubaka isi irangwa cyane n’ubumuntu.