Dusabe kugira ngo abantu bahanganye n’igishuko cyo kwiyahura, babonere ubufasha, ukwitabwaho n’urukundo bakeneye mu miryango yabo kandi baryoherwe n’ubwiza bw’ubuzima. 

Lewo wa XIV

Nyagasani Yezu,
wowe uhamagarira abaremerewe n’abananiwe
kuza kuruhukira mu mutima wawe,
turagusabye muri uku kwezi ku bw’abantu bose
babayeho mu mwijima n’akababaro,
by’umwihariko abahanganye n’ibishuko
byo kwiyambura ubuzima.

Bahore babona umuryango
ubakira, ubumva, ubahora hafi kandi ubaherekeza
Duhe imitima yumva kandi yuje impuhwe,
ishoboye gutanga ihumure n’ubufasha buboneye
harimo n’ubwa kinyamwuga.

Tumenye kubaba hafi mu cyubahiro n’ineza,
tubafasha gukira ibikomere, kubaka ubumwe, no kugira icyizere cy’ejo hazaza.
Twifatanye na bo mu kongera kumenya ko ubuzima ari impano,
ko hakiri ubwiza n’igisobanuro cy’ubuzima
no mu ntimba, no mu mibabaro.
Turabizi neza ko abagukurikira
bashobora kunanirwa no kugira agahinda kenshi kadafite icyizere.

Turagusabye ngo twumve urukundo rwawe
kugira ngo tubinyujije mu kubana nawe,
tubashe kumenya no kwamamaza urukundo rw’Imana Data rutagira ingano,
rudufata ukuboko rukadusubiza icyizere mu buzima utugenera.

Amina.

Credits

Benefactors