Sa’ xk’ab’a’ eb’ li neke’ elelik sa’ li xtenamiteb’

Tijoqo, chirixeb’ li neke’ chalk sa’ jalan tenamit, sa’ xk’ab’a’ elelik chiru li raxiik’ malaj ut li we’ej, li naxyoob’ chaq jun b’e nujenaq chi xiwxiwal ut rahilal ajwi’, re naq chixtaw xk’ulub’ankil ut jun ak’il wank chiru li xyu’am.

Pope Francis – JUNE 2024

Ex was wiitz’in, nawaj raj naq chiru li po a’in, tootijoq chirixeb’ li neke’ elelik sa’ li xtenamiteb’.
Sa’ xk’ab’a’ li raxiik’ neke’xyu’ami eb’ li mimb’ileb’ ru chi xkanab’ankil li xch’och’eb’ ut neke’ elelik chiru li kamsink, malaj xb’aan li ne’b’a’il, li naab’al sut naxjunaji rib’ rik’in xmaq’b’al li xna’ajeb’ ut li xrahilal ink’a’ xnawb’al b’ar taawanq.
Naab’al sut ajwi’, naq nahulak junaq sa’ jalan tenamit, ilb’ileb’ sa’ xiwxiwal malaj sa’ b’ach’b’ach’il.
Aran naq natawmank jun li jachok ib’: li najtok’ rik’in xch’och’el li junkab’al ut li rahil ch’oolej sa’ xk’ab’a’ li hachok ib’ a’an.
Laa’o li krisyaan, ink’a’ naru roksinkileb’ li ka’a’uxl a’in qik’in. Li ani nak’uluk re li nachalk sa’ jalan tenamit, a li Kriist naxk’ul.
Tento waklesink ch’ool ut k’ehok sa’ ajl, sa’ eb’ li amaq’il tenamit, re naq chi’uxmanq okenk chirix xk’ulub’ li nachalk sa’ ab’l aj tenamit. Chi’uxmanq ajwi’ xtenq’ankil chi k’iik ut k’eeb’ilaq sa’ ajl.
Tento rochb’eninkil li nachalk sa’ jalan tenamit, jo’ ajwi’ xwaklesinkil xch’ool ut xk’eeb’al sa’ ajl.
Tijoqo, chirixeb’ li neke’ chalk sa’ jalan tenamit, sa’ xk’ab’a’ elelik chiru li raxiik’ malaj ut li we’ej, li naxyoob’ chaq jun b’e nujenaq chi xiwxiwal ut rahilal ajwi’, re naq chixtaw xk’ulub’ankil ut jun ak’il wank chiru li xyu’am.