Tijoqo, re naq eb’ li molam neke’ tenq’ank, ut neke’ waklesink ch’ool sa’ xyanqeb’ li poyanam, te’xtaw naab’aleb’ chik li qas qiitz’in te’raj ut wanqeb’ xch’ool chi okenk chi xtenq’ankileb’ li tenq’aak te’raj, jo’ ajwi’ re xsikb’aleb’ xb’ehil li tenq’al neke’ oksimank sa’ xyanqeb’ li jalan jalanq chi ab’ aj tenamit.

Pope Francis – December 2022

Choq’ re li ruuchich’och’ a’in, jwal aajeleb’ ru eb’ li poyanam ut eb’ li molam te’raj tenq’anq chi maak’a’aq xk’ajk’amunkileb’, jo’ ajwi’ li te’raj okenk chirix li usilal sa’ komonil.
Jo’kan tz’aqal, li aatin na’ajmank risinkil sa’ qayaanq a’an: “Okenk”.
Ut li ruuchich’och’ a’in, naraj eb’ li poyanam te’okenq chi tenq’ank chirix li k’a’aq re ru choq’ reheb’ chixjunil.
Okenk chirixeb’ li junch’ol, a’an jun k’anjelahom li nokoxk’e chiwank sa’ ach’ab’amb’il, naxte li qach’ool, chiru xmajelaleb’ li qas qiitz’in, chiru li rajomeb’, chi okenk xkolb’aleb’ li ne’b’a’, chi xkolb’al rix li yoob’tesihom ajwi’.
Xk’anjelankil ru li uxtaanank na’uxmank: rik’in li quq’, rik’in li xna’qu, rik’in li qab’ib’aal, ut rik’in li xnach’ob’resinkil qib’.
Ut okenk chi tenq’ank, a’an xk’anjelankileb’ ru li qas qiitz’in tenq’aak te’raj. Ink’a’ kajwi’ chirixeb’ li poyanam, rik’ineb’ b’aan ajwi’ li poyanam. K’anjelak rik’ineb’ ut chirixeb’ li poyanam.
Xk’anjelahomeb’ li molam neke’ tenq’ank, jwal wank wi’chik rusilal naq neke’ okenk chirib’il rib’eb’, ut rik’ineb’ li awab’ejilal.
Naq na’uxmank k’anjelak sa’ sumk’uub’, usta jwal b’aab’ay li xk’anjelob’aaleb’, neke’xq’axtesi tz’aqal rib’eb’, ut neke’xtz’aqob’resi ru li sachb’al ch’oolej rik’in xk’ihob’resinkil li oyb’enihom.
¡Jwal taa’ajmanq ru, xk’ihob’resinkil li oyb’enihom sa’ qayaanq!
Tijoqo, re naq eb’ li molam neke’ tenq’ank, ut neke’ waklesink ch’ool sa’ xyanqeb’ li poyanam, te’xtaw naab’aleb’ chik li qas qiitz’in te’raj ut wanqeb’ xch’ool chi okenk chi xtenq’ankileb’ li tenq’aak te’raj, jo’ ajwi’ re xsikb’aleb’ xb’ehil li tenq’al neke’ oksimank sa’ xyanqeb’ li jalan jalanq chi ab’ aj tenamit.

Credits

Benefactors