AGOSTO | Li ikees sa’ b’e

Tijoqo chirix li Iklees, re naq chixk’ul rik’in li Santil Musiq’ej, li uxtaanal, ut li xmetz’ew re x’ak’ob’resinkil rib’ sa’ xkutank saqenk li Chaab’il Esilal.

Paap Francisco – Agosto 2021

Li xb’oqb’al li Iklees, a’an re chaab’il esilank, maawa’ yal jun puktesink, ink’a’. Li b’oqom a’an re chaab’il esilank, ut jwal wi’chik, li xyu’am li Iklees, a’an chaab’il esilank.
Tooruhanq x’ak’ob’resinkil li Iklees, kajwi’ rik’in xk’ajb’ankil rix rajom li Dios, chiru li qa yu’am rajlal. Ut tqatzol li xb’eehil li ak’ob’resiik a’in, kajwi’ rik’in rochb’enihom li Santil Musiq’ej. A’ajwi’ li xchaab’ilob’resinkil qib’ laa’o jo’ poyanam, a’an li ak’ok’. Xkanab’ankil naq li Santil Musiq’ej, li xsi maatan li Dios, tixjultika qe xk’utum li Jesus, ut toxtenq’a xyu’aminkil.
Qa tikib’aq x’ak’ob’resinkil li Iklees, rik’in xchaab’ilob’resinkil li qa wanjik laa’o. Ink’a’ rik’in jalanjalanq chi na’leb’, ut lab’ aj ka’uxl, ink’a’ ajwi’ rik’in kawil chaq’rab’ihom, tento b’aan b’eek chalen rik’in xyu’amihom li Santil Musiq’ej, xyu’amihom li tijok, xyu’amihom li tenq’ank, jo’ ajwi’ rik’in xyu’amihom li k’anjelahom.
Ninmatk’e ru jun na’leb’ahom aj tzolom taql, li taa’elq xtawb’al rib’ rik’in li jun chik; ink’a’ kajwi’ rik’in puktesihom, ut chix’ak’ob’resi b’aan ru li xk’ub’lal re chaab’il esilank sa’ li ruuchich’och’ anaqwank.
Chijultikoq’ qe, naq li Iklees junelik naxtaw xmajelal, junelik naxtaw xraaxiik’, xb’aan naq yo’yook. Li b’ar wank yo’yook naxtaw xmajelal. Kajwi’ eb’ li kamenaq ink’a’ neke’xtaw xmajelal.
Tijoqo chirix li Iklees, re naq chixk’ul rik’in li Santil Musiq’ej, li uxtaanal, ut li xmetz’ew re x’ak’ob’resinkil rib’ sa’ xkutank saqenk li Chaab’il Esilal.

Credits

Campaign title:

The Pope Video – August 2021: Church on the Way

A project by Pope’s Worldwide Prayer Network

In collaboration with Vatican Media

Creativity and co-production by:

Gaia Valeria Rosa, Diego Angeli and Andrea Schneider Graziosi

Music production and mix by:

Índigo Music Design

adminAGOSTO | Li ikees sa’ b’e