Every month, you have invited us to pray with you for the challenges of humanity and the mission of the Church, teaching us to learn compassion for others from the heart of Christ. Thank you, Francis, for your life and your witness.

Dusabe kugira ngo gukoresha ikoranabuhanga rigezweho bidasimbura imibanire y’abantu ahubwo byubahirize agaciro k’abantu kandi bifashe mu gukemura ibibazo byo muri iki gihe cyacu.

Dusabe kugira ngo imiryango irimo amacakubiri ishobore kubonera umuti w’ibikomere byayo mu kubabarirana, buri wese ashobore kubona ubukungu buri mu byo badahuriyeho na mugenzi we.

Dusabe kugira ngo Kiliziya, umuryango w’abemera, ishobore kwakira ibyifuzo n’ugushidikanya by’urubyiruko rwiyumvamo umuhamagaro wo kwitangira ubutumwa bwa Yezu, haba mu buzima bwa gisaserdoti cyangwa mu buzima bw’Abiyeguriye Imana.

Dusabire abimukira, impunzi n’abo bose bagizweho ingaruka n’intambara; kugira ngo uburenganzira bwabo bwo kwiga bwubahirizwe buri gihe, kuko uburezi ari ngombwa mu kubaka isi irangwa cyane n’ubumuntu.

Dusabe kugira ngo iyi Yubile twinjiyemo idukomeze mu kwemera, idufashe kumenya Kristu wazukiye mu buzima bwacu, kandi iduhinduremo abagendana ukwizera kwa gikristu.

Dusabe kugira ngo ababyeyi bose batewe agahinda n’urupfu rw’umwana wabo, babonere ihumure mu ikoraniro kandi babone amahoro y’umutima atangwa na Roho, Umuhoza.

Dusabe kugira ngo Kiliziya, mu bushobozi bwayo, ikomeze ishyigikire gahunda yo kugendera hamwe, mu kimenyetso cy’ubufatanye, mu guteza imbere ubwitange, ubusabane n’ubufatanye mu butumwa hagati y’abapadiri, abiyeguriyimana n’abalayiki.

Dusabe kugira ngo buri wese muri twe, abikuye ku mutima, yumve impuruza y’isi, n’abagizweho ingaruka n’ibiza n’imihindagurikire y’ikirere, yiyemeze, ku bushake bwe, kwita ku isi atuyemo.

Dusabe kugira ngo Abanyapolitiki bakorere rubanda, baharanire iterambere ryuzuye rya muntu n’inyungu rusange, bahangayikishwe n’abatakaje akazi kandi abakene bashyirwe imbere ya bose.

Dusabe kugira ngo Isakramentu ry’Ugusigwa kw’abarwayi rizanire abarihawe n’ababitaho imbaraga za Nyagasani, kandi rirusheho kubera abantu bose ikimenyetso kigaragara cy’impuhwe n’icyizere.

Dusabe kugira ngo abimukira bahunga intambara cyangwa inzara, bikabatera kunyura mu nzira zishyira ubuzima bwabo mu kaga, babone ababakira neza kandi bahirwe n’ubuzima bushya.

Dusabe kugira ngo abagabo n’abagore biyeguriyimana n’abaseminari bungukire byinshi mu rugendo rwabo rw’umuhamagaro babikesha gutozwa uburere bwa kimuntu, ikenurabushyo, iyobokamana n’imibanire bibafasha kuba abahamya bizewe b’Inkuru Nziza.

Dusabe kugira ngo icyubahiro n’agaciro abagore bafite bihabwe agaciro mu bihugu byose, kandi ivangura bahura naryo mu bice bitandukanye by’isi rihagarare.

Dusabe kugira ngo abahara amagara yabo kubera Ivanjili, mu bice bitandukanye by’isi, barumbukire Kiliziya imbuto nyinshi kubw’ ubutwari n’umurava byabo byo kwitangira ubumwa.

Dusabe kugira ngo abarwayi barembye cyane hamwe n’imiryango yabo, bafashwe kubona ubuvuzi ndetse banagaragarizwe ubumuntu ku kigero gikwiye.

Dusabe kugira ngo Roho adufashe kumenya impano zitandukanye mu muryango w’abakristu no kuvumbura ubukungu bw’imihango mitagatifu inyuranye ikorerwa muri Kiliziya Gatolika.

Dusabe kugira ngo abafite ubumuga bitabweho na sosiyete kandi ibigo biteze imbere gahunda yo kubashyira mu bandi kugira ngo na bo bagaragaze ibyo bashoboye.

Dusabire Papa, ngo mugusohoza ubutumwa bwe, akomeze guherekeza mu kwemera ubushyo yaragijwe na Yezu abifashijwemo na Roho Mutagatifu.

Dusabire Kiliziya, kugira ngo irangwe no gushyira imbere ugutega amatwi no kuganira, yemera kuyoborwa na Roho Mutagatifu mu rugendo rwayo kugera ku mpera z’isi.

Dusabe ku gira ngo abantu birengagizwa na sosiyete, bari mu buzima budakwiriye muntu ngo inzego z’ubuyobozi ntizibibagirwe kandi ntibigere bangwa.

Dusabe kugira ngo ihuriro mpuzamahanga ry’urubyiruko i Lisbonne rifashe urubyiruko ruhaguruke rugende, ruhamya Ivanjili mu buzima bwarwo.

Dusabe kugira ngo abakristu Gatolika bose bimike mu buzima bwabo Ukarisitiya, ihindure cyane imibanire y’abantu kandi ibakingurire umuryango ubahuza n’Imana n’abavandimwe.

Dusabe kugira ngo umuryango mpuzamahanga wiyemeze guhashya umuco w’iyicarubozo ndetse bagenere ubufasha abarikorewe ndetse n’imiryango yabo.

Dusabe kugira ngo imiryango n’amatsinda bya Kiliziya buri munsi byite ku murimo wabyo w’iyogezabutumwa, bikoresha impano zabyo mu gufasha isi mu byo ikeneye.

Dusabe kandi kugira ngo umuco w’ubworoherane usakare hose, maze ibihugu n’ababituye bagende barushako kwirinda gushyira imbere ikoreshwa ry’intwaro.

Dusabe kandi kugira ngo umuco w’ubworoherane usakare hose, maze ibihugu n’ababituye bagende barushako kwirinda gushyira imbere ikoreshwa ry’intwaro.

Dusabire abababaye bose kubera ibibi byakozwe n’abagize umuryango wa Kiliziya ngo babone muri Kiliziya ubwayo igisubizo gifatika ku ishavu n’ububabare byabo.

Dusabe kugira ngo Paruwasi, mu kwimakaza ubuvandimwe mu bantu, ubuvandimwe muri Kiriziya, zibe koko ihuriro ry’ukwemera, ry’ubuvandimwe n’iryo kwakira bose cyane cyane abatagira kivurira.

Dusabe kugira ngo abarezi babe koko abahamya bizewe, mu kwigisha ubuvandimwe kuruta guhangana, no gufasha cyane cyane urubyiruko rutagira kivurira.

Dusabire imiryango n’amashyirahamwe y’abagiraneza agamije guteza imbere bene muntu, kugira ngo bibone abantu bafite ubushake bwo kwitangira inyungu rusange kandi bihore bishakashaka uburyo bushya bw’ubufatanye ku rwego mpuzamahanga.

Dusabe kugira ngo abana bababaye, ababa mu muhanda, abugarijwe n’intambara, impfubyi bose bashobore kubona uburenganzira bwo kurerwa no guhabwa urukundo rwo mu muryango.

Dusabire Kiliziya ku gira ngo mu gukomera ku Ivanjili no k’ubutwari bwo kuyamamaza, ihore iteka ari ahantu h’ubufatanye, ubuvandimwe n’ikaze ku bantu bose, maze abayigize barusheho kugendera hamwe no gusenyera umugozi umwe.

Dusabe kugira ngo, igihano cy’urupfu kibangamiye agaciro ka muntu kivanwe mu mategeko ahana yo mu bihugu byose ku isi.

Dusabe kugira ngo imishinga mito n’iciriritse yahuye n’ibibazo, yongera kubona uburyo ikongera gufasha abantu n’imiryango y’aho ikorera.

Dusabire abageze mu zabukuru kugira ngo babe abarimu nyabo b’ubugwaneza, kugira ngo ubunararibonye bwabo n’ubuhanga bwabo bifashe urubyiruko kurebana ejo hazaza icyizere ndetse n’akanyabugabo.

Dusabire ingo z’abakirisitu ku isi hose, kugira ngo zibashe kubaho mu rukundo rutagamije inyungu, no mu butungane bwa buri munsi.

Dusabe kugira ngo urubyiruko ruhamagariwe kubaho mu buzima busendereye, rubone muri Bikira Mariya ubushishozi nyabwo, ubutwari bw’ukwemera n’ubwitange ku murimo.

Dusabire abitangira abarwayi n’abageze mu zabukuru, by’umwihariko abo mubihugu bikennye kurusha ibindi, kugira ngo babone inkunga za leta n’iz’imiryango y’aho bari.

Dusabe kugira ngo imbere y’ibibazo bishya bishingiye ku bushakashatsi n’ikoranabuhanga mu by’ubuzima, ubuvuzi n’imyorokere ya muntu, abakristu bite iteka ku birengera ubuzima binyuze mu isengesho n’ibikorwa bifatika.

Dusabire ababikira n’abakobwa biyeguriye Imana, tubashimira ubutumwa n’umwete byabo, kugira ngo bakomeze kubonera ibisubizo bishya by’ibibazo byugarije igihe turimo.

Dusabe kugira ngo abatotezwa bahorwa imyemerere yabo bahabwe uburenganzira bwuzuye muri sosiyete, hamwe n’agaciro kubakiye ku buvandimwe.

Dusabire abakateshisiti bahamagariwe kwamamaza Ijambo ry’Imana: barihamye n’ubutwari ndetse n’ubunyamwuga mu byishimo no mu mahoro bamurikiwe n’imbaraga za Roho Mutagatifu.

Dusabe kugira ngo abantu bose bafite agahinda gakabije babone ubufasha n’urumuri bibagarura mu buzima bwiza.

Bavandimwe, dusabe kugira ngo uwabatijwe wese agire uruhare mu iyogezabutumwa, ahe umwanya Ubutumwa biciye mu buhamya bw’ubuzima bushingiye ku ivanjili.

Dusabe kugira ngo tugire amahitamo meza yo kubaho turengera ibidukikije twigira ku rubyiruko rubyitangira.

Dusabire Kiliziya, ku bubasha bwa Roho Mutagatifu ihabwe ingabire n’imbaraga zo kwivugurura imurikiwe n’Ivanjili.

Dusabe kugira ngo mu bibazo by’ubukungu na politiki tube abagabo n’abagore baharanira imibanire myiza kandi bahorana umutima utanga ku buryo nta mwanya w’urwango n’intambara uboneka.

Ni mucyo dusabire urubyiruko rwitegura gushyingirwa, rushyigikirwe n’imbaga y’abemera: bajye mbere mu rukundo, n’ubwitange, ubudahemuka no kwihangana.

Ni mucyo kandi dusabe kugira ngo abashinzwe iby’ubukungu bafatanye na leta kugenzura amasoko y’imari no kurinda abaturage mu ngorane zabo.

Dusabire abemera kwitanga kugera n’aho bahara ubuzima bwabo, barwanira uburenganzira bw’ibanze mu bihugu birimo kwikanyiza no kuyoborana igitugu ndetse nahari demokarasi zidahamye, kugira ngo ibikorwa byabo no kwitanga kwabo byere imbuto nyinshi.

Dusabe kugira ngo isakramentu rya penetensiya ridufashe kwivugurura by’ukuri, kuryoherwa n’imbabazi n’impuhwe z’Imana zidashira. Dusenge kandi ngo Imana ihe Kiliziya abasaseridoti b’abanyampuhwe, batari abayisenya.

Nimucyo dusabire abagore bahohotewe ngo barengerwe n’ubutegetsi kugira ngo ububabare bwabo bwitabweho kandi bwumvikane kuri bose.

Dusabe Nyagasani kutwongerera ingabire yo kubana neza n’abavandimwe bacu bo mu y’andi madini, tureka guhangana, kandi dusabirana bamwe ku bandi, dushyikirana na bose.

Dusabe kugira ngo umubano wacu wihariye na Yezu Kristu ubashe gutungwa n’Ijambo ry’Imana n’ubuzima bw’amasengesho.

Dusabe kugira ngo iterambere rya za robo n’iry’ubwenge buhangano ribereho guteza imbere ikiremwa muntu.

Dusabe kugira ngo ku bw’ingabire ya batisimu bahawe, abalayiki bose, by’umwihariko abagore, barusheho kugira uruhare mu nzego z’ubuyobozi bwa Kiliziya twirinda guha agaciro karenze Ubusaserodoti kagabanya ingabire z’abalayiki.

Ni mucyo dusabe kugira ngo umutungo kamere w’isi woye gusahurwa na bamwe, ahubwo usaranganywe mubayituye ntawe uwuvukijwe, mu butabera.

Dusabire abakorera mu nyanja kandi babeshejweho na yo, muri bo harimo abasare, abarobyi n’imiryango yabo.

Dusabe kugira ngo imiryango y’iki gihe iherekezwe n'urukundo, ubwubahane n’inama, kandi ku buryo bw’umwihariko irengerwe n’ubutegetsi bw’ibihugu.

Dusabe ngo ababaye bose bashakire inzira y’umukiro mu Mutima Mutagatifu wa Yezu.

Dusabe kugira ngo abadiyakoni, bakomere k’umuhamagaro wabo wo kogeza Inkuru Nziza no kwita ku bakene, bibere n’abandi muri Kiliziya urugero rwiza rwo gukurikizwa.

Dusabe kugira ngo ababoshywe n’ingeso mbi babashe kwitabwaho neza kandi baherekezwe.

Turashaka guhungira iwawe, O Mubyeyi Mutagatifu w’Imana. Ntiwirengagize ugutakamba kwacu- twebwe abugarijwe- kandi udukize ikibi cyose. O wowe wubahwa kandi utagira inenge.

Dusabe kugira ngo Kiliziya yo mu Bushinwa ikomeze kuba indahemuka ku Ivanjili no gutera imbere mu bumwe. Murakoze.

Dusabe kugira ngo amaganya y’abimukira bacuruzwa yumvikane, kuko na bo ari abavandimwe bacu.

Dusabe kugira ngo abayobotse Yezu, abanyamadini n’abantu b’umutima mwiza, bose baharanire hamwe amahoro n’ubutabera ku isi.